Бәрәкәтле «Кәрәнҗә догасы». Махмут хазрат Шарафетдин

Муса (г.с.) дәверендә каты корылык чорында иманлы бәндәләр, пәйгамбәр янына килеп: «Яңгыр сорарга чыгыйк», – дип мөрәҗәгать итәләр. Җәмәгать белән яңгыр намазына чыккач, Муса (г.с.) юл өстендә бер кырмысканың, сусызлыктан талчыгып, аякларын күккә күтәреп, әлеге доганы укып, Аллаһка ялваруын күреп ала. Шуннан соң озак вакыт та үтми, Җәбраил (г.с.) Муса пәйгамбәр янына килеп: «Өйләрегезгә кайтып китегез, шушы кырмысканың догасы хөрмәтенә Аллаһ сезгә яңгыр иңдерәчәк, аның догасы хөрмәтенә сезне ачлыктан коткарачак», – дип әйтә. Шуңа күрә бу дога «Кәрәнҗә догасы», ягъни кырмысканың догасы дип тәрҗемә ителә.