Годы и думы. Повести, юмористические рассказы,мудрые мысли (на татарском языке).

Йыйынтыҡҡа ике повесть, сатирик хикәйәләр һәм фәһемле фекерҙәр тупланған. “Ҡара тал” һәм “Турғай моңо” исемле повестарында ғаилә мөнәсәбәттәре, мөхәббәт һәм тоғролоҡ хистәре, намыҫ һәм әхлаҡ сафлығы, быуындар бәйләнеше ҡатмарлы хәл-ваҡиғалар аша һүрәтләнә. Инде һуғыштан һуң күп йылдар үтеп, тыныс ҡына дауам иткән ауыл тормошона килеп кергән ошо ваҡиғалар уҡыусыны уйланырға мәжбүр итә, һуғыш йылдарын яңынан күҙ алдына баҫтыра. Яҙыусының мәҡәлдәргә нигеҙләнгән ҡыҫҡа ғына юморескаларында тормошобоҙҙағы етешһеҙлектәр, кешеләргә хас хилафлыҡтар тапҡыр алымдар менән асып һалына. Ә инде йылы юморға, фәлсәфәүи мәғәнәгә төрөлгән әйтемдәр, фәһемле фекерҙәр йылмайырға ғына түгел, үҙ тормошобоҙға һәм ҡылған ғәмәлдәребеҙгә яңыса ҡарарға мәжбүр итә. Аҡыл өйрәтмәй генә, шаярып-көлөп, күңелдәребеҙгә үтеп керерлек юлдар таба автор.